Farg‘ona viloyat ma’muriy sudlarining 2024-yil birinchi yarim yilligi davomida odil sudlovni amalga oshirish borasidagi faoliyati  

2024-yilning birinchi yarmida Farg‘ona tumanlararo ma’muriy sudida jami
491 ma’muriy ish, shundan 467 ta ommaviy nizo hamda 24 ta material tartibidagi ishlar ko‘rib  tamomlangan.

Ko‘rib chiqilgan ishlarning 33 tasi yoki 7,1 foizi (2023 yilda 25 ta, 5,8 foiz) sayyor sud majlislarida ko‘rilgan.

Ko‘rib tamomlangan ishlar yuzasidan jami 144 ta yoki jami ko‘rilgan ishlarning 30,8 foizi (2023 yilda 130 ta, 30,6 foiz) bo‘yicha  xususiy ajrim chiqarilgan.

2024-yil birinchi yarim yilligi davomida ma’muriy organlar qarorlarini haqiqiy emas va mansabdor shaxslarining harakati (harakatsizligi)ni qonunga xilof deb topish yuzasidan 442 ta, notarial idoralarning hatti-harakatlari (harakatsizligi) yuzasidan 3 ta, FHDYo organlari mansabdor shaxslarining harakatlari (harakatsizligi)  yuzasidan 20 ta, litsenziyaning amal qilishini to‘xtatib turish
va tugatish yuzasidan 1 ta, saylov komissiyasining xatti-harakati yuzasidan 1 ta ish mazmunan ko‘rib tugatilgan.

Tadbirkorlik sub’ektlarining arizalari asosida jami 125 ta ishlar ko‘rilgan, shundan 28 tasi (22,4 foizi) qanoatlantirilib, ularning buzilgan huquqlari sud tomonidan tiklangan. 

Mahalliy hokimliklar ishtirokida jami 120 (2023 yilda 144) ta ish ko‘rib tamomlangan bo‘lib, shundan qarorni haqiqiy emas deb topish yuzasidan
81 (2023 yilda 120) ta ish ko‘rilgan, 24 tasi (29,6 foizi) qanoatlantirilgan bo‘lsa, hatti-harakati (harakatsizligi)ni qonunga xilof deb topish yuzasidan 39 ta ish ko‘rilgan, 22 tasi qanoatlantirilgan.

Xususan, mahalliy hokimliklarning qarorlari haqiqiy emas deb topilgan ishlar hududlar kesimida tahlil qilinganida:

  • Beshariq, Buvayda, Quva, Toshloq, O‘zbekiston, Farg‘ona va Furqat tumanlari – 1 tadan;
  • Qo‘qon shahar, Dang‘ara tuman hokimining  – 2 tadan;
  • Farg‘ona, Qo‘qon shaharlari, Dang‘ara tumani – 3 tadan;
  • Rishton tuman hokimligining 4 ta qarori sud tomonidan haqiqiy emas deb topilgan.

Mahalliy hokimliklarga nisbatan qo‘llanilgan ta’sir choralari 36 tani tashkil etadi. Qonunbuzilish holatlari bo‘yicha prokuratura organlariga 1 ta xabarnoma (Rishton tumani hokimligiga nisbatan) chiqarilgan.

Kadastr organlari xatti-harakatlari (harakatsizligi)ni qonunga xilof deb topish yuzasidan 91 ta ish ko‘rilgan, 14 tasi (15,3 foizi) qanoatlantirilgan. Qonunbuzilish holatlariga yo‘l qo‘ygan kadastr idoralariga nisbatan 24 ta xususiy ajrim chiqarilgan.

Soliq idoralariga nisbatan jami 46 ta ish ko‘rib tamomlangan bo‘lib, qarorini haqiqiy emas deb topish yuzasidan 32 ta ish ko‘rilib, 14 tasi qanoatlantirilgan bo‘lsa, hatti-harakati (harakatsizligi)ni qonunga xilof deb topish yuzasidan 14 ta ish ko‘rilgan bo‘lib, 3 tasi qanoatlantirilgan.

Qonunbuzilish holatlariga yo‘l qo‘ygan soliq idoralariga nisbatan 20 ta xususiy ajrim chiqarilgan.

Majburiy ijro byurosi organlariga nisbatan jami 95 ta ish ko‘rib tamomlangan bo‘lib, qarorni haqiqiy emas deb topish bo‘yicha 69 ta ko‘rilgan, shundan 10 tasi qanoatlantirilgan bo‘lsa, hatti-harakati (harakatsizligi)ni qonunga xilof deb topish yuzasidan esa 26 ta ish ko‘rilgan.

Qonunbuzilish holatlariga yo‘l qo‘ygan MIB idoralariga nisbatan 15 ta xususiy ajrim chiqarilgan.

Yuqoridagi tahlillardan ma’lum bo‘ladiki, Farg‘ona tumanlararo ma’muriy sudida eng ko‘p toifadagi ish bu – hokim qarorini haqiqiy emas deb topish hamda mahalliy hokimlik mansabdor shaxslarining xarakati (harakatsizligi)ni qonunga xilof deb topish haqida  ko‘rilgan ishlarni tashkil etadi.

2024-yilning birinchi yarimida Farg‘ona viloyat ma’muriy sudi apellyatsiya instansiyasida jami 119 ta ish ko‘rib tamomlangan. Shundan 90 tasi o‘zgarishsiz qoldirilgan, 2 tasi o‘zgartirilgan, 15 tasi bekor qilingan, 3 tasi bo‘yicha ish yuritish tugatilgan, 2 ta shikoyat ko‘rmasdan qoldirilgan. Bekor qilingan 15 ta ishlardan
8 tasi bo‘yicha yangi qaror qabul qilingan, 2 tasi yangidan ko‘rish uchun yuborilgan, 2 tasi ko‘rmasdan qoldirilgan, 3 tasi bo‘yicha ish yuritish tugatilgan.

2024-yilning birinchi yarmida Farg‘ona viloyat ma’muriy sudi kassatsiya instansiyasida jami 8 ta ish ko‘rib tamomlangan. Ishlarning 3 tasi bo‘yicha hal qiluv qarori bekor qilingan, 2 tasi bo‘yicha yangi qaror qabul qilingan, 1 tasi bo‘yicha ish yuritish tugatilgan.

Ushbu davrda Farg‘ona viloyat ma’muriy sudi taftish instansiyasida jami 52 ta  ish ko‘rib tamomlangan. Shundan 41 tasi o‘zgarishsiz qoldirilgan, 1 tasi o‘zgartirilgan, 8 tasi bekor qilingan, 1 tasi bo‘yicha ish yuritish tugatilgan, 1 ta shikoyat ko‘rmasdan qoldirilgan. Bekor qilingan 8 ta ishlardan 6 tasi bo‘yicha yangi qaror qabul qilingan, 1 tasi yangitdan ko‘rish uchun yuborilgan, 1 tasi bo‘yicha avvalgi sud hujjati kuchida qoldirilgan.

Jismoniy va yuridik shaxslardan jami 292 ta murojaatlar kelib tushgan. Shundan 51 ta murojaat pochta aloqasi va shaxsan arizachilar tomonidan, 137 ta sud raislari va sudyalar qabulidan,  104 tasi virtual qabulxona orqali elektron tarzda kelib tushgan.

Huquqiy targ‘ibot ishlari yuqori darajada tashkillangan, xususan jami huquqiy targ‘ibot 485 tani tashkil etib, ommaviy axborot vositalarida 234 ta, jumladan televideniyada 65 marta, radioda 41 marta, gazeta va jurnallarda 56 marotaba, internet sahifalarida 62 ta, og‘zaki targ‘ibot  251 tani tashkil qilib, ma’ruzalar
141 ta, suhbatlar 108 ta, seminarlar 2 ta o‘tkazilgan.

Farg‘ona viloyat ma’muriy sudining ish rejasiga muvofiq jami 9 ta umumlashtirishlar o‘tkazilgan. 2024 yil 2 choragi mobaynida viloyat
va tumanlararo ma’muriy sudi tomonidan qonun hujjatlarini takomillashtirish bo‘yicha 26 ta takliflar berilgan.

Farg‘onada 1 ming 78 nafar muqaddam sudlangan shaxs yana jinoyatga qo‘l urgan

Farg‘onada sudlar tomonidan o‘tgan yilda 6 nafar fuqaroga nisbatan tergov organi tomonidan qo‘yilgan nohaq ayblovlar bekor qilinib, ularning barchasiga birinchi instansiya sudlari oqlov hukmlarini chiqargan.

Shuningdek, ushbu davrda 719 nafar shaxsga nisbatan 470 ta jinoyat ishi bo‘yicha dastlabki tergov organi tomonidan qo‘yilgan ayblov o‘zgartirilib (modda to‘liq ayblovdan chiqarilgan, modda qismi yoki bandi chiqarilgan yoki boshqa moddaga malakalanib hukm chiqarilgan) hukm o‘qildi.

Bu ma’lumotni Farg‘ona viloyati sudi raisi Shuhrat Kamolov xalq deputatlari viloyat kengashining sessiyasidagi viloyatda sudlar tomonidan fuqarolar huquqlari va erkinliklari, shuningdek, korxonalar, muassasalar, tashkilotlarning huquqlari va qonun bilan qo‘riqlanadigan manfaatlarini sud yo‘li bilan himoya qilish borasida 2020 yilda amalga oshirilgan ishlar va 2021 yilda ko‘riladigan chora-tadbirlar haqidagi axborotida aytib o‘tdi.

Odil sudlovni amalga oshirish, fuqarolarning huquq va erkinliklarini himoya qilish borasida viloyat sudlari tomonidan 2020 yil davomida muayyan ishlar amalga oshirilgan. Xususan, o‘tgan yil davomida jinoyat ishlari bo‘yicha Farg‘ona viloyat sudi va tuman (shahar) sudlari tomonidan jami 5 ming 282 nafar shaxsga nisbatan 4 ming 310 ta jinoyat ishi tamomlangan.

Tahlillar sudda ko‘rilgan mazkur shaxslarning 1 ming 78 nafari yoki 20,4 foizi muqaddam sudlangan shaxslar ekani, shuningdek, jinoyatlar asosan ichkilikbozlik, ishsizlik, oilaviy va qo‘shnilar o‘rtasidagi kelishmovchiliklar oqibatida kelib chiqayotganligini ko‘rsatmoqda.

Xususan, jinoyat ishlari bo‘yicha Farg‘ona shahar sudining 2020 yil 3 dekabrdagi hukmiga ko‘ra, A.Kojanova O‘zbekiston Respublikasi Jinoyat Kodeksi 97-moddasining 1-qismi (qasddan odam o‘ldirish) bilan Jinoyat Kodeksining 57-moddasi qo‘llanib, 7 yil ozodlikdan mahrum qilish jazosini olgan.

Mazkur jinoyat ishi bo‘yicha sudlanuvchining shaxsiga oid ma’lumotlar o‘rganilganida A.Kojanova muqaddam bir necha bor sudlanganligi, jinoyat sodir qilingan vaqtda vaqtincha ishsiz bo‘lgani, nikohi sud tomonidan bekor qilingan bo‘lib, 3 nafar farzandi borligi, Farg‘ona shahri, Yuksalish ko‘chasi, 84-uy, 5-xonadonda doimiy ro‘yxatda tursada, jinoyat sodir etilgan vaqtda Farg‘ona shahri, A.Yassaviy ko‘chasi, 40/B-ko‘p qavatli uy balkoni ostida yashab kelgani ma’lum bo‘ldi.

Bu esa, o‘z navbatida, ichki ishlar idoralari xodimlari va mahalla fuqarolar yig‘inlari hamkorligida joylarda aholi o‘rtasida, xususan, muqaddam sudlanganlar bilan profilaktik tadbirlar yetarli darajada olib borilmayotganligini ko‘rsatmoqda. Shuningdek, mutasaddi tashkilotlar tomonidan mazkur fuqaroning muammolariga yetarlicha e’tibor qaratilmaganligidan, uni ish va yashash joyi bilan ta’minlash choralari ko‘rilmaganligidan dalolat beradi.

«So‘x voqealari» bo‘yicha barcha sudlanuvchilarning oxirgi so‘zi eshitildi

Farg‘onada o‘tgan yilning may oyida So‘x tumanida bo‘lib o‘tgan ommaviy tartibsizliklar yuzasidan ayblangan 22 nafar shaxs ustidan davom etayotgan sud jarayonida bugun barcha sudlanuvchilarning oxirgi so‘zi eshitildi.

Dastlabki tergov organi tomonidan ushbu shaxslarga O‘zbekiston Respublikasi Jinoyat Kodeksining 244-moddasi (ommaviy tartibsizliklar) va 219-moddasi (hokimiyat vakiliga yoki fuqaroviy burchini bajarayotgan shaxsga qarshilik ko‘rsatish) kabi jinoyatlarni sodir etganlikda ayb e’lon qilinib, 9 nafar shaxsga nisbatan qamoqqa olish va 13 nafariga uy qamog‘i ehtiyot chorasi qo‘llanilgan. Ulardan bir nafari voyaga yetmagan shaxsdir.

2020 yil 31 may kuni O‘zbekiston Respublikasi So‘x tumani Chashma qishlog‘ining Qirg‘iziston Respublikasi Botken viloyati Qadamjoy tumani Chechme ayili bilan chegaradosh hududida joylashgan “Chashma” bulog‘i bo‘yida Qirg‘iziston hamda O‘zbekiston fuqarolari o‘rtasida buloqdan foydalanish yuzasidan kelib chiqqan nizo oqibatida ommaviy tartibsizliklar ro‘y bergan.

Ushbu nizoni bartaraf etish maqsadida So‘x tumani Chashma qishlog‘iga yetib borgan mahalliy hokimiyat vakillari hamda huquqni muhofaza qiluvchi organ xodimlariga tartibbuzarlar tomonidan faol qarshilik ko‘rsatilib, ularga turli darajada shikastlar yetkazilgan.

O‘tgan yilning noyabr oyidan buyon mazkur jinoyat ishini ko‘rish ishlari davom etayotgan bo‘lib, sud muhokamasi yakunlanmoqda.

Farg‘ona viloyat sudining jamoatchilik va ommaviy axborot vositalari bilan aloqalar bo‘limi xabariga ko‘ra, “So‘x voqealari”ga oid jinoyat ishi bo‘yicha sud muhokamasi ochiqlik va shaffoflik tamoyillari asosida olib borilib, ishni ko‘rishda 22 nafar sudlanuvchi, 36 nafar jabrlanuvchi va 21 nafar guvohlar so‘roq qilindi.

Prezident xalq qabulxonasi: qonuniylik va adolat

Prezident Xalq qabulxonalari tomonidan Qashqadaryo viloyatida o‘tkazilgan ommaviy qabullarda Qashqadaryo viloyati sudi jinoyat ishlari bo‘yicha sudlov hay’atining appelyasiya tartibidagi ochiq sud majlisida nohaq ayblanib, jarima jazosi tayinlangan 2 nafar shaxsga doir ish ham ko‘rib chiqildi.

Gʻuzor tumanida yashovchi Dilfuza Meylanovaning 8 yillik muammosi yechim topdi. 2012 yilda uy sharoitida tug‘ilgan farzandiga tug‘ilganlik haqidagi guvohnomani ololmayotgan ayolning muammosi adliya organlari tomonidan o‘rganilib, farzandiga tug‘ilganlik haqidagi guvohnoma rasmiylashtirib berildi.

Ommaviy qabullar davomida 50 dan ortiq fuqaro ishga joylashtirildi, 30 ga yaqin murojaatchiga imtiyozli kredit, 25 nafariga davolanish uchun order ajratildi. Ehtiyoji bo‘lgan fuqarolarga nogironlik aravachalari, protez-ortopediya buyumlari topshirildi.

Umumlashtirib aytganda, Qashqadaryo vohasi bo‘ylab kechgan jonli muloqotlar asnosida 1 ming 655 kishi ko‘targan 1 ming 678 ta masala o‘rganilib, ularning 572 tasi joyida hal etildi. 524 ta murojaat bo‘yicha huquqiy maslahat va tushuntirish berildi, qo‘shimcha vaqt va o‘rganish talab qiladigan 582 ta murojaat bo‘yicha aniq muddat va mas’ullar belgilanib, nazoratga olindi. 

Ular 2015 yilda tazyiqlar ostida berilgan guvohliklar, asossiz ko‘rsatmalar bo‘yicha Surxondaryo viloyat sudining hukmi bilan jinoiy javobgarlikka tortilgan. Ya’ni, o‘zganing juda ko‘p miqdordagi mulkini o‘zlashtirish yo‘li bilan talon-toroj qilganlikda, pora olish va berishda vositachilikni amalga oshirganlikda ayblanib sudlangan.

Ularning murojaatlari asosida olib borilgan qo‘shimcha tekshiruvlar, sud jarayonlari natijasida aybsizligi o‘z isbotini topdi va reabilitasiya qilish yo‘li bilan oqlandi.

Mirishkor tumani «Ayzabod» mahallasida istiqomat qiluvchi Yulduz Normurodova ham katta umidlar bilan ommaviy qabulga keldi. Ma’lum bo‘lishicha, uning to‘ng‘ich o‘g‘li 21 yoshida 15 yilga ozodlikdan mahrum etilgan. Ayni paytgacha jazo muddatining 6 yilini o‘tagan farzandiga yengillik berishni so‘rab, Oliy sudga murojaat qildi. Uning arizasi Oliy sudda kassasiya tartibida ko‘rib chiqilishi ayolga umid baxsh etdi.

Xo‘jalik yurituvchi sub’yektlar o‘rtasida yuzaga kelgan nizoli ishlarni ko‘rishda imkon qadar taraflarni kelishtirishga e’tibor qaratilmoqda. Savdo-sanoat palatasi Qashqadaryo viloyat boshqarmasining da’vogar Sho‘rtan gaz-kimyo majmuasi qoshidagi Qurilish-montaj-ta’mirlash boshqarmasi unitar korxonasi manfaatini ko‘zlab javobgar “RAVON STROY CITY” mas’uliyati cheklangan jamiyatidan 2 milliard 878 million so‘mdan ziyod mablag‘ni undirish yuzasidan sud tashabbusi bo‘yicha tomonlar o‘rtasida nizo bartaraf etilib, kelishuv bitimi tuzilishiga erishildi.

Xitoylik investor tomonidan kiritilgan da’vo arizasi esa qanoatlantirilib, investor ishtirokidagi O‘zbekiston-Xitoy qo‘shma korxonasi foydasiga 13 milliard 174 million so‘mdan ziyod mablag‘ni undirish to‘g‘risida iqtisodiy ishlar bo‘yicha sudlov hay’atining hal qiluv qarori qabul qilinib, investorning huquqlari tiklandi.

Qarshi shahrilik Dilafro‘z Xo‘jamurodova uyi yo‘qligi sababli 12 yildan buyon oilaviy yotoqxonada yashaydi. 4 nafar farzandi bor. Turmush o‘rtog‘i vafot etib, oila tashvishi, farzandlar tarbiyasi yolg‘iz o‘zining zimmasiga tushgan ayol ommaviy qabulga yashab turgan turar-joyini o‘z nomiga rasmiylashtirib berishda yordam so‘radi. Dilafro‘z Xo‘jamurodova hamda oilaviy yotoqxonada yashab kelayotgan yana 2 nafar ayolning murojaati ijobiy hal etildi.

Ommaviy qabullar jarayonida Oliy sudga 886 ta murojaat tushgan bo‘lsa, ularning 278 tasi joyida hal etildi, 280 ga yaqiniga asoslantirilgan tushuntirishlar berildi. Ijro uchun nazoratga olingan 239 ta murojaatdan 134 tasi bo‘yicha arizalar Oliy sud tomonidan kassasiya tartibida hal qilish uchun qabul qilinib, tegishli sudlov hay’atiga ko‘rib chiqish uchun o‘tkazildi. 18 ta fuqaroning arizasi viloyat sudining apellyasiya instansiyasida ko‘rish uchun qabul qilindi. 14 ta murojaat bo‘yicha da’vo arizasi birinchi instansiya sudining ish yurituviga qabul qilinib, nazoratga olindi. 141 nafar shaxs jazoni o‘tashdan muddatidan ilgari shartli ravishda ozod qilindi. 29 nafar shaxsga nisbatan aliment undirish yuzasidan sud buyrug‘i chiqarildi.

Ommaviy qabullarda Bosh prokuraturaga 360 nafar fuqaro turli masalalarda murojaat qilgan bo‘lsa, shundan 62 ta masala joyida hal qilindi. Murojaatlarning asosiy qismi tergov va surishtiruv, sud qarorlari ijrosi, ijtimoiy-iqtisodiy, uy-joy, moddiy yordam, kommunal soha yuzasidan bo‘ldi. Ish masalasida murojaat qilgan 21 nafar fuqaroning 4 nafari o‘ziga ma’qul bo‘lgan korxona va tashkilotlarga ishga joylashtirilgan bo‘lsa, 17 nafari kasbga o‘qitishga yo‘naltirildi.

Ichki ishlar vazirligi tomonidan qabul jarayonlarida 155 nafar fuqaro bilan muloqotlar o‘tkazilib, ular tomonidan bildirilgan 49 ta masala joyida ijobiy hal etildi, qo‘shimcha o‘rganish talab etiladigan 101 ta murojaat ko‘rib chiqilishi nazoratga olindi.

«Ko‘hna voha tomorqa xizmati» MChJ rahbari Obidjon Xudoyberdiyev esa bojxona xizmati mas’ullariga xorijdan olib kelingan mandarin mahsulotini o‘z omboriga bojxona ta’minlov summasisiz tushirishda amaliy yordam so‘rab murojaat qildi. Mahsulotni sifatli saqlash uchun jamiyatga qarashli omborda sharoit mavjudligi hisobga olinib, murojaat qanoatlantirildi.

Skip to content