15May Янгиликлар

АҲОЛИНИНГ СУД МУҲОКАМАЛАРИДА МАСОФАДАН ИШТИРОК ЭТИШИНИНГ ҲУҚУҚИЙ АСОСЛАРИ ТАЪМИНЛАНДИ

Мамлакатимизда судлов фаолиятини рақамлаштириш бўйича амалга оширилган ислоҳотлар фуқароларнинг ўз ҳуқуқлари ва манфаатларини ҳимоя қилиш юзасидан судларга мурожаат қилишини либераллаштириш, умуман одил судловга эришиш даражасини ошириш, шунингдек судлар фаолиятининг очиқлиги ва шаффофлигини таъминлаш имконини берди.

Натижада ариза бериш, ишда масофадан иштирок этиш, суд ҳужжатларини олиш
ва ишларнинг кўрилиши ҳақида маълумот олиш каби хизматлар Ўзбекистон Республикаси Олий судининг интерактив хизматлар портали орқали электрон шаклда амалга оширилмоқда.

Ўзбекистон Республикасининг “Аҳолига суд муҳокамаларида масофадан иштирок этиш учун янада қулай шароитлар яратилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги 2025 йил 11 мартдаги ЎРҚ-1047-сонли Қонуни билан Ўзбекистон Республикасининг Фуқаролик процессуал кодексига, Иқтисодий процессуал кодексига
ва Маъмурий суд ишларини юритиш тўғрисидаги кодексига аҳолининг суд муҳокамаларида масофадан иштирок этишининг ҳуқуқий асослари яратилишини назарда тутувчи ўзгартириш ва қўшимчалар киритилди.

Жумладан, Ўзбекистон Республикасининг Фуқаролик процессуал кодексининг
209-моддасига киритилган ўзгартириш ва қўшимчаларга кўра, ишда иштирок этувчи шахсларнинг видеоконференцалоқа режимидаги суд мажлисида иштирок этишини таъминлаш учун кўрсатилган шахсларнинг яшаш жойи, жойлашган ери ёки турган жойи бўйича тегишли судларнинг видеоконференцалоқа тизимларидан ёхуд ишни кўраётган суднинг мобиль видеоконференцалоқа тизимидан фойдаланилади. ишда иштирок этувчи шахсларнинг видеоконференцалоқа режимидаги суд мажлисида иштирок этишини таъминлаётган суд ушбу шахсларнинг келган-келмаганлигини текширади ва келган шахсларнинг шахсини аниқлайди. Видеоконференцалоқа режимидаги суд мажлисида мобиль видеоконференцалоқа тизимидан фойдаланган ҳолда иштирок этаётган шахсларнинг шахси ишни кўраётган суд томонидан ахборот технологияларидан фойдаланган ҳолда аниқланади, шунингдек, видеоконференцалоқа режимидаги суд мажлисида видеоконференцалоқа тизимидан фойдаланган ҳолда иштирок этаётган гувоҳларга, экспертларга, мутахассисларга, таржимонларга ўз ҳуқуқлари, мажбуриятлари ва жавобгарлиги тушунтирилганлиги, шунингдек гувоҳнинг қасамёди аудио- ва видеоёзув орқали қайд этилади ва бу ҳақда суд мажлиси баённомасида кўрсатилади.

Шу билан бирга, ушбу Қонун билан Ўзбекистон Республикасининг Иқтисодий процессуал кодекси ва Маъмурий суд ишларини юритиш тўғрисидаги кодексининг тегишли моддаларига аҳолининг суд муҳокамаларида масофадан иштирок этишининг ҳуқуқий асослари таъминловчи ўзгартириш ва қўшимчалар киритилди.

Натажада, видеоконференцалоқа режимида ўтказиладиган суд мажлисларида мобиль видеоконференцалоқа тизимидан фойдаланишнинг ҳуқуқий асослари яратилди.

Касимов Жамолхон Одилович

Жиноят ишлари бўйича

Қўқон шаҳар судининг тергов судьяси      

13Yan Янгиликлар

Фарғона вилоят маъмурий судининг 2024 йил давомида одил судловни амалга ошириш борасидаги фаолияти  

2024 йил давомида туманлараро судида жами 1139 маъмурий иш, 45 та материал тартибидаги ишлар тамомланган.

Кўриб чиқилган ишларнинг 54 таси ёки 5 фоизи сайёр суд мажлисларида кўрилган.

Ҳисобот даври мобайнида ишларни кўриб чиқиш жараёнида аниқланган қонунбузилиш ҳолатлари бўйича туманлараро маъмурий суди томонидан
301 та (2023 йилда 247 та), вилоят суди томонидан эса 23 та (2023 йилда 34 та) хусусий ажримлар чиқарилган.

Бундан ташқари, қонунбузилиш ҳолатларига йўл қўйган давлат органлари, ташкилотларга нисбатан 4 та тақдимнома, прокуратурага 61 та (вилоят суди 23 та, туманлараро суди 38 та) хабарномалар чиқарилган.

Оммавий ҳуқуқий муносабатлардан келиб чиқадиган низолар бўйича кўрилганлар ишлар тоифалари бўйича таҳлил қилинганда:

– маъмурий органлар қарорларини ҳақиқий эмас ва мансабдор шахсларининг ҳаракати (ҳаракатсизлиги)ни қонунга хилоф деб топиш бўйича 1039 та;

– Сайлов комиссиясининг қарори ёки хатти-ҳаракати юзасидан – 3 та;

– нотариал ҳаракатни амалга ошириш рад этилганлиги ёки нотариуснинг ҳаракатлари (ҳаракатсизлиги) юзасидан – 5 та;

– фуқаролик ҳолатлари далолатномаларини ёзишни рўйхатга олиш рад этилганлиги ёки ФҲДЁ органлари мансабдор шахсларининг ҳаракатлари (ҳаракатсизлиги) юзасидан – 37 та;

– лицензиянинг амал қилишини тўхтатиб туриш ва тугатиш юзасидан – 2 та ишлар кўриб чиқилган.

Оммавий ҳуқуқий муносабатлардан келиб чиқадиган низолар бўйича ҳисобот даврида вилоят суди апелляция инстанцияси томонидан 215 та иш кўриб тамомланган.

Шундан, 171 та (79,5 фоиз) иш бўйича суд қарорлари ўзгаришсиз қолдирилган (2023 йилда 229 та, 77,1 фоиз), 26 таси (12,9 фоиз) бўйича суд қарорлари бекор қилинган (2023 йилда 45 та, 15,1 фоиз) бўлиб, 2 та (0,9 фоиз) иш бўйича суд қарорлари ўзгартирилган (2023 йилда 5 та, 1,6 фоиз), 12 та шикоят (5,5 фоиз) бўйича иш юритиш тугатилган (2023 йилда 12 та, 4 фоиз); 4 та (1,8 фоиз) апелляция шикояти кўрмасдан қолдирилган (2023 йилда 6 та, 2,0 фоиз) ишларни ташкил этади.

Кассация инстанцияси томонидан жами 56 та иш кўриб тамомланган.

Шундан, 40 та (71,4 фоиз) иш бўйича суд қарорлари ўзгаришсиз қолдирилган, 14 таси (56 фоиз) бўйича суд қарорлари бекор қилинган      бўлиб, 1 та шикоят бўйича иш юритиш тугатилган, 1 та иш бўйича суд ҳужжати ўзгартирилган.

Тафтиш инстанцияси томонидан жами 97 та иш кўриб тамомланган.

Шундан, 74 та (76,2 фоиз) иш бўйича суд қарорлари ўзгаришсиз қолдирилган, 19 таси (19,5 фоиз) бўйича суд қарорлари бекор қилинган      бўлиб, 1 та иш бўйича суд ҳужжати ўзгартирилган, 2 та шикоят бўйича иш юритиш тугатилган, 1 та шикоят кўрмасдан қолдирилган.

Вилоят ва туманлараро маъмурий судлари томонидан ҳуқуқий тарғибот ишлари борасида ҳам бир қатор тадбирлар амалга оширилган.

Жумладан, 2024 йил давомида судьялар ва суд ҳодимлари томонидан жами 798 та ҳуқуқий тарғибот ишлари амалга оширилган.

2024 йил мобайнида вилоят ва туманлараро маъмурий суди томонидан қонун ҳужжатларини такомиллаштириш бўйича 41 та таклифлар берилган.

Жумладан, 16 та қонунларга, 25 та Пленум қарорларига ўзгартириш ва қўшимчалар киритиш бўйича таклифлар Олий судга юборилган.

Шунингдек, иш режалар асосида 9 та суд амалиётини умумлаштириш ишлари амалга оширилган.

Фарғона вилоят маъмурий судларига 2024 йил давомида жами 482 та мурожаат келиб тушган бўлиб, ушбу мурожаатларнинг 138 таси виртуал ва халқ қабулхоналари орқали келиб тушган мурожаатларни, 232 таси вилоят маъмурий судлари раислари ва судьялари қабулидан келиб тушган мурожаатларни, 112 таси эса почта алоқаси ва шахсан аризачилар томонидан тақдим этилган мурожаатларни ташкил этган.

Ушбу мурожаатларнинг 477 та мурожаатлар юзасидан ҳуқуқий тушунтириш берилган, 1 та мурожаатлар тегишлилиги бўйича бошқа ташкилотларга юборилган, 4 та мурожаат ҳисобот даврининг охирига қолдиқда ўтган.

Ҳисобот даврида суд раислари, судьялар қабулида 232 нафар фуқароларнинг мурожаатлари қабул қилинган, шундан 156 нафар фуқаролар суд идораларида, 76 нафар фуқаролар сайёр қабулларда қабул қилинган. 

Судга келиб тушган барча мурожаатларга қонунда белгиланган муддатларда жавоб хатлари тайёрланиб, суд раиси имзоси билан мурожаат муаллифларига юборилган.

Ўзбекистон Республикасининг “Суд ҳужжатлари ва бошқа орган ҳужжатларини ижро этиш тўғрисида”ги қонуннинг
8, 24-моддаларига асосан қайтарилиб қайта ижрога қаратилмай қолган ижро ҳужжатлари мавжуд эмас.

Судларда архив ишини ташкил этиш масалалари “Архив ҳужжатларини жамлаш, давлат  ҳисобига олиш, сақлаш ва улардан фойдаланиш тартиби тўғрисида»ги Низомга мувофиқ йўлга қўйилган.

29Noy Янгиликлар

Суд мажлисида оммавий ахборот вакиларининг иштироки.

Бундан буён ҳар бир давлат органи ўз кундалик фаолиятида оммавий ахборот воситалари билан яқин мулоқот ва ҳамкорликни йўлга қўйиши зарур ва шарт

Шавкат МИРЗИЁЕВ

Маълумки, бугунги кунда мамлакатимизда суд ҳокимияти органлари фаолиятининг ижтимоий аҳамиятига баҳо бериш, уларнинг очиқлиги, ривожланиш динамикаси, фуқароларнинг ҳуқуқ ва эркинликларини ҳимоя қилишда турли ижтимоий институтлар билан ҳамкорлиги тўғрисидаги катта ҳажмдаги ахборот, маълумотларни кенг жамоатчиликка осон ва қулай, тушунарли тарзда етказиш учун оммавий ахборот воситалари имкониятларидан самарали фойдаланиш муҳим аҳамият касб этмоқда.

Суд мажлисларини ёритишдаги процессуал тартиб-таомиллар, журналистларнинг суд биносига кириши, суд муҳокомаси залида ҳозир бўлиши ва суд мажлисини қайд қилишига оид қоидалар, очиқ ва ёпиқ суд мажлисларида иштирок этиш талаблари, унда фото, видео ва киносъёмка қилиш, интернетда ёритишдаги чеклашлар доираси, суд жараёнларини ёритиш мезонлари Ўзбекистон Республикаси Олий судининг 2020 йил
21 февралдаги“Суд муҳокамаси ошкоралигини ва судлар фаолиятига доир ахборот олиш ҳуқуқини таъминлаш тўғрисида”ги 4-сонли Пленум қарори билан тартибга солинган.

Оммавий ахборот воситалари муайян иш юзасидан суд муҳокамаси натижаларини олдиндан башорат қилишга ёки судга бошқача тарзда таъсир этишга (босим ўтказишга) ҳақли эмас. Судья суд қарори қонуний кучга кирмаган иш бўйича интервью беришга ёхуд оммавий ахборот воситаларида чиқиш қилишга ҳақли эмас.

Суд муҳокамаси ошкоралиги процесс иштирокчиси бўлмаган шахсларга, шу жумладан, оммавий ахборот воситалари вакилларига суд мажлисида қатнашиш имконияти берилиши билан таъминланади.

Иш муҳокамаси ёпиқ суд мажлисида ўтказилиши тўғрисидаги ажрим эълон қилингунга қадар процесс иштирокчилари бўлмаган шахслар, оммавий ахборот воситалари вакиллари суд мажлиси залидан четлаштирилиши мумкин эмас. Иш муҳокамаси ёпиқ суд мажлисида ўтказилиши тўғрисидаги қарор ишни суд муҳокамасига тайинлаш чоғида қабул қилинган ҳолларда, процесс иштирокчилари бўлмаган шахслар, оммавий ахборот воситалари вакиллари суд мажлиси залига киритилмайди.

Очиқ суд мажлисини фототасвирга тушириш, видеоёзувни амалга ошириш, шунингдек, оммавий ахборот воситаларида трансляция қилишга қуйидаги тартибда йўл қўйилади:

фуқаролик ишини кўриш пайтида – суд мажлисида раислик қилувчининг тарафлар розилиги олингандан кейин берган рухсати билан;

жиноят, маъмурий, иқтисодий ишни ва маъмурий ҳуқуқбузарлик тўғрисидаги ишни кўриш пайтида – суд мажлисида раислик қилувчининг тарафлар фикрини эшитгандан кейин берган рухсати билан;

очиқ суд мажлисида аудиоёзувни амалга оширишга қуйидаги тартибда йўл қўйилади:

фуқаролик ишини кўриш пайтида – суд мажлисида раислик қилувчининг тарафлар розилиги олингандан кейин берган рухсати билан;

жиноят иши ва маъмурий ҳуқуқбузарлик тўғрисидаги ишни кўриш пайтида – суд мажлисида раислик қилувчининг тарафлар фикрини эшитгандан кейин берган рухсати билан.

Суд мажлиси залида ҳозир бўлганлар ҳар қандай иш бўйича эркин тарзда ёзма қайдлар қилишлари, стенограмма юритишлари, иқтисодий иш ёки маъмурий ҳуқуқий муносабатлардан келиб чиққан иш кўрилаётганда эса аудиоёзув олиб боришлари мумкин.

Шуни назарда тутиш лозимки, суд мажлисида қатнашиш учун келган шахслар, шу жумладан, оммавий ахборот воситалари вакилларининг суд биносига кириши суднинг ички фаолиятини тартибга солувчи ҳужжатлар билан ўрнатилган қоидаларга қатъий риоя қилинган ҳолда таъминланиши лозим.

Суд мажлисларининг жамоатчилик учун очиқ ва ошкора ўтказилиши тамойили қонун устувор бўлган тизимнинг асосий шартларидан биридир. Ҳорижий давлатларнинг суд ҳокимият билан оммавий ахборот воситалари ўртасидаги ҳамкорлик амалиёти ўрганилганди Германия давлатида суд ўта жиддий сабабсиз матбуот вакилини суд процессидан чиқариб юбориши мумкин эмас. Масалан, мухбир бир неча марта иш тартибини бузиб, ўзини одобсиз тутганида бунга йўл қўйилиши мумкин. Бироқ, агар у аввалги суд жараёни юзасидан шарҳида суд ва судьяларни бир неча бор ва кескин танқид қилган бўлса ҳам, суд уни процессда иштирок этишдан маҳрум эта олмайди. Ўз-ўзидан маълумки, матбуот эркинлиги ҳуқуқи ҳодисаларни сидқидилдан, масъулият билан ёритишни кўзда тутади ва Германияда ушбу жиҳатлар Федератив Республиканинг турли штатлари матбуот тўғрисидаги қонунларига ҳамда Матбуот ишлари бўйича Германия Кенгашининг Уставига киритилган. Мазкур қоидаларга мувофиқ, жиноий тергов ишлари ва суд процесслари бировга ён босмай, холисона, оддий гумондор ва ҳукм қилинганлар ўртасида аниқ фарқ мавжудлигини кўрсатиб (айбсизлик презумпцияси қоидаси ҳар қандай шароитда ҳам таъминланиши шарт) ёритилиши; ҳеч бир гумондор унинг айби ва жавобгарлиги тўғрисида суд қарори чиққунига қадар ҳукм қилинган, деб кўрсатилиши мумкин эмас.

Бундан ташқари, журналист репортаж тайёрлаш жараёнида Германия Конституциясининг 2-моддасида кўрсатилган инсон шаъни, қадр-қиммати ва шахсининг дахлсизлиги ҳуқуқини эътиборда тутиши шарт.

Асосий конституциявий ҳуқуқ ва қадриятлар каби матбуот эркинлиги ва шахснинг дахлсизлигини ҳимоя қилиш ҳуқуқлари — амалда ўзаро тенг мавқега эга ва ҳеч бири иккинчисидан устунликка эга эмас.

Бу, айниқса, суд процессида иштирок этаётган одамлар
исми-шарифини баён этишда ёки фото-видео тасвирга туширишда ўта муҳим. Германия қонунларида матбуот эркинлигини чеклашга оид яна бир хусусият мавжуд: иш олиб бораётган суд процессларини тасвирга тушириш, теле-радио орқали бевосита эфирга узатиш, ҳатто айбланувчилар ёки гувоҳлар, суд процессига жалб қилинган бошқа кишилар рози бўлган ҳолда ҳам тақиқланади.

Англияда суд қарорлари тўпламлари чоп этилади. Махсус нашрлар орқали халққа ҳисоботлар бериб турилади. Бу ишни ҳатто хусусий нашрлар ҳам амалга оширади.

Канадада Олий суди раиси қошида ҳуқуқий масалалар бўйича бош котиб вазифасини бажарувчи “Ижро этувчи қонун вакили” ОАВни суд томонидан чиқарилган қарорлардан доимо хабардор қилиб туради. У қабул қилинган қарорларга баҳо бермасдан, чиқарилган қарор моҳиятини тушунтириши, саволларга жавоб бериши, шунингдек суд томонидан амалга оширилган ишнинг аҳамиятини тушунтириши мумкин.

Шуниси қизиқки, Канадада ижро этувчи қонун вакили кўрилаётган иш бўйича келиб чиққан саволларга ишни кўришдан ва қарор ўқишдан олдин матбуот конференцияси ўтказиб, жавоб беради. Лекин барча маълумотлар видео ёки аудио шаклда ёзиб олмаслик шарти билан тақдим этилади, бироқ журналистлар ушбу маълумотлардан расмий ахборот сифатида фойдаланиши мумкин эмас.

Мамлакатимизда амалга оширилаётган суд-ҳуқуқ ислоҳатлари жараёнида суд ҳокимияти ва оммавий ахборот воситалари ўртасидаги ўзаро ҳамкорликни йўлга қўйилиши суд муҳокамасининг ошкоралиги ва судлар фаолиятига доир ахборот олиш ҳуқуқини таъминлашга, фуқаролар ва тадбиркорлик субъектларининг ҳуқуқий саводхонлигини юксалтиришга хизмат қилади.

Фарғона туманлараро маъмурий судининг судьяси Нозимахон Тожиева

Судья ёрдамчиси Фаризода Абдубоисова

10Okt Янгиликлар

Фарғона вилоят маъмурий судининг 2024 йилучинчи чораги давомида одил судловни амалга ошириш борасидаги фаолияти

2024 йил учинчи чораги туманлараро судида жами 764 маъмурий иш, 28 та материал тартибидаги ишлар тамомланган.

Кўриб чиқилган ишларнинг 46 таси ёки 6 фоизи (2023 йилда 34 та, 
5,7 фоиз) сайёр суд мажлисларида кўрилган.

Ҳисобот даврида оммавий ҳуқуқий муносабатлардан келиб чиқадиган низолар бўйича кўриб тамомланган 764 та ишларнинг: 

– 124 таси (16,2 фоизи) бўйича иш юритиш тугатилган;

– 65 таси (8,5 фоизи) кўрмасдан қолдирилган;

– 348 та (45,5 фоиз) иш бўйича аризалар рад этилган;

– 227 та (29,7 фоиз) ариза (шикоят) талаблари қаноатлантирилиб,

фуқаролар ҳамда юридик шахсларнинг ҳуқуқлари тикланган. 

Ишларни кўриб чиқиш жараёнида аниқланган қонунбузилиш ҳолатлари бўйича туманлараро маъмурий суди томонидан 242 та
(2023 йил 9 ойида 183 та), вилоят суди томонидан эса 17 та (2023 йилда 28 та) хусусий ажримларчиқарилган.

Шунингдек, қонунбузилиш ҳолатларига йўл қўйган давлат органлари, ташкилотларга нисбатан 4 та тақдимнома, прокуратурага 
35 та (вилоят суди 17 та, туманлараро суди 18 та) хабарномалар чиқарилган.

​Туманлараро суди томонидан чиқарилган жами 242 та хусусий ажримларнинг 182 тасини ижроси таъминланиб, бу ҳақда жавоб хатлари судга тақдим этилган, 60 таси эса ижро жараёнида.

Вилоят суди томонидан қўлланилган 17 та хусусий ажримларнинг 12 таси ижро этилган, 5 таси  ижро жараёнида хисобланади.

Муддати ўтган ижро этилмаган хусусий ажримлар мавжуд эмас.

Вилоят ва туманлараро маъмурий судлари томонидан ҳуқуқий тарғибот ишлари борасида ҳам бир қатор тадбирлар амалга оширилган.

Жумладан, 2024 йил 9 ойи давомида судьялар ва суд ҳодимлари томонидан жами 627 та (2023 йилда 695 та) ҳуқуқий тарғибот ишлари амалга оширилган. 

Хусусан, оммавий ахборот воситаларида 305 (2023 йилда 336 та) маротаба ҳуқуқий тарғиботлар қилинган бўлиб, шундан телевидениеда   83  та (48 та), радиода 70 та (48 та), газетада 53 та (65 та), журналда 
35 та (41 та) ва веб-сайтларда 81 (134) маротаба чиқишлар амалга оширилган.

Озғаки тарғиботлар сони 305 та (2023 йилда 359 та) бўлиб, шундан маърузалар 208 та (114 та), давра суҳбатлари 84 та (134 та), семинарлар эса 13та (7 та)ни ташкил этган.

2024 йил 9 ойи мобайнида вилоят ва туманлараро маъмурий суди томонидан қонун ҳужжатларини такомиллаштириш бўйича 41 та таклифлар берилган. 

Жумладан, 16 та қонунларга, 25 та Пленум қарорларига ўзгартириш ва қўшимчалар киритиш бўйича таклифлар Олий судга юборилган.

Шунингдек,  иш режалар асосида 9 та суд амалиётини умумлаштириш ишлари амалга оширилган.

2024 йилнинг 9 ойида жами 386 та мурожааткелиб тушган бўлиб, 2023 йилнинг шу даврида 339 та мурожаат келиб тушган, таққослаганда 47 тага (13.8 %) кўпайган. 

Ушбу мурожаатларнинг 120 таси Виртуал ва Халқ қабулхоналари орқали келиб тушган мурожаатларни, 184 таси вилоят маъмурий судлари раислари ва судьялари қабулидан келиб тушган мурожаатларни, 82 та мурожаатлар почта алоқаси ва шахсан аризачилар томонидан тақдим этилган мурожаатларни ташкил этади.

Жами мурожаатларнинг 382 та (98.9%) мурожаатлар юзасидан ҳуқуқий тушунтириш берилган, 1 та (0.2) мурожаатлар тегишлилиги бўйича бошқа ташкилот (идоралар)га юборилган, 3 таси ўрганиш жараёнида. 

Суд раислари ва судьяларнинг қабуллари давомида жами 184 та мурожаат келиб тушган.  Ушбу кўрсатгич 2023 йил 9 ойида 163 тани ташкил этган. 

Хусусан, бевосита суд идорасида 125 та, суд раислари ва судьяларнинг сайёр қабуллари давомида 59 тани ташкил этади. 

Судга келиб тушган барча мурожаатларга қонунда белгиланган муддатларда жавоб хатлари тайёрланиб, суд раиси имзоси билан мурожаат муаллифларига юборилган.

2024 йилнинг 9 ойи давомида Фарғона вилоят ҳамда туманлараро маъмурий судлари томонидан жами 628 781 000 сўмлик 715 та ижро ҳужжати чиқарилган.

Шундан 527 981 000 сўмлик 368 таси давлат фойдасига давлат божи ундириш тўғрисидаги ижро ҳужжатларини ташкил этади.

Барча ижро ҳужжатларининг 266 742 500 сўмлик 427 таси (ёки 
42,2 фоизи) Қонуннинг 41-моддаси 1-қисм, 1-бандига асосан амалда ижро этилган. 51 737 000 сўмлик 31 таси (ёки 8,2 фоизи) Қонуннинг бошқа моддаларига асосан тамомланган.

Бугунги кунда 310 301 500 сўмлик 257 та (ёки 49,5 фоиз) ижро ҳужжатлари ижро жараёнида.

Қонуннинг 8, 24-моддаларига асосан қайтарилиб қайта ижрога қаратилмай қолган ижро ҳужжатлари мавжуд эмас.

13Sen Янгиликлар

Ўзбекистон Республикаси конституцияси – сайлов тизимининг  ҳуқуқий асоси

 Ўзбекистон Республикаси демократик ҳуқуқий давлат қуриш ва фуқаролик жамиятини шакллантиришни ўз олдига мақсад қилиб қўйган экан, бу инсон ҳуқуқларини олий қадрият деб тан олиш ва уларни таъминлашдир. Инсон ҳуқуқларини таъминлаш эса,фуқароларнинг сиёсий бирлашмаси бўлмиш халқ ҳокимиятининг ягона манбаи деб Конституциянинг 7-моддасида тан олиниши ва ўз ҳокимиятини амалга ошириш учун унга зарур бўлган қонун ҳужжатлари орқали шароитлар яратишдир. Буни амалга оширишга қаратилган энг муҳим қоидалар сифатида мамлакатдаги сайловга оид қонун ҳужжатларини келтириш мумкин.          Мамлакатимизда амалга оширилаётган тизимли ва дадил ислоҳотлар самарасида миллий сайлов қонунчилиги ва амалиёти демократик талаблар ва умумэътироф этилган халқаро стандартларга уйғунлаштирилиб, самарали сайлов қонунчилиги базаси шакллантирилди. 2019 йилнинг 25 июнида Сайлов кодекси амалиётга киритилгач, сайловларнинг ҳуқуқий асослари янада мустаҳкамланди. Фуқаролар, сиёсий партияларнинг сайлов жараёнларида эркин ва фаол иштирок этиши учун ташкилий-ҳуқуқий, моддий-техник шартшароит, уларнинг сайлаш ҳуқуқларини тўла амалга оширишининг ишончли кафолатлари яратилди.                                      Демократик давлатда сайловлар давлат ҳокимиятини ташкил қилишда асосий ўрин эгаллайди. Ҳар бир давлатда турли ҳил фикрлар ва хоҳишлар, эхтиёж ва талаблар мавжуд; сайловлар эса инсонларнинг шу ижтимоий кайфиятларини ифода этилишини таъминлаб беради. Демократик жамиятда сайловлар инсонлар хоҳишини амалга оширишнинг ягона гаровига айланади.                                                                                                                  Ўзбекистон Республикаси Конституциясининг XXIII боби сайлов тизимига бағишланган. Конституциянинг 117-моддасига мувофиқ, Ўзбекистон Республикасининг фуқаролари давлат ҳокимияти органларига сайлаш ва сайланиш ҳуқуқига эгадирлар. Демак, сайлов тизими фуқароларга нафақат ўз овозлари билан сайлаш орқали, балки ўз номзодларини қўйиб, сайланиш орқали ҳам давлат ҳокимияти вакиллик органини ташкил қилишда иштирок этишлари мумкин. Айтиб ўтиш жоизки, бунда сайланиш ҳуқуқи сайлаш ҳуқуқини чеклаб қўймайди.                                                                                                                                                          Сайловларнинг умумийлиги деганда, сайловларда жинси, ирқи, миллати, тили, дини, ижтимоий келиб чиқиши, эътиқоди, шахсий ва ижтимоий мавқеидан қатъи назар Ўзбекистон Республикасининг 18 ёшга тўлган барча фуқароларининг иштирок этиши тушунилади.   Конституцияда фуқароларнинг овоз бериш ҳуқуқи, ўз хоҳиш иродасини билдириш тенглиги ва эркинлиги қонун билан кафолатланиши мустаҳкамлаб қўйилган. Ўзбекистон Республикасининг Сайлов кодекси Ўзбекистон 2 Республикаси фуқароларининг тенг сайлов ҳуқуқларини кафолатлайди. Ягона истисно шундан иборатки, суд томонидан муомалага лаёқатсиз деб топилган фуқаролар, шунингдек суд ҳукми билан озодликдан маҳрум этиш жойларида сақланаётган шахслар сайланиши мумкин эмас. Шу жумладан, суд томонидан муомалага лаёқатсиз деб топилган фуқаролар, шунингдек оғир ва ўта оғир жиноятлар содир этганлиги учун суднинг ҳукми билан озодликдан маҳрум этиш жойларида сақланаётган шахслар сайловда иштирок этмайди. Бошқа ҳар қандай ҳолларда фуқароларнинг сайлов ҳуқуқларини тўғридан-тўғри ёки билвосита чеклашга йўл қўйилмайди.                                             Конституциянинг 117-моддасида айтиб ўтилганки, ҳар бир сайловчи бир овозга эга. Овозларнинг тенглиги қоидаси шуни англатадики, ҳар бир сайловчи бир марта овоз беради. Сайловлар тенглик билан бир қаторда, умумий ва тўғридан-тўғри сайлов ҳуқуқи асосида овоз бериш йўли билан ўтказилади. Тўғридан-тўғри сайлов ҳуқуқи деганда, Ўзбекистон Республикаси Президентининг, Ўзбекистон Республикаси Олий Мажлис Қонунчилик палатаси, Қорақалпоғистон Республикаси Жўқорғи Кенгеси ва ҳалқ депутатлари маҳаллий кенгашлари депутатларининг сайловчилар томонидан бевосита, тўғридан-тўғри сайланиши тушунилади. Чет мамлакатлар сайлов тизимида шундай ҳолатлар ҳам борки, сайловчилар ўз вакилларини сайлайдилар, бу вакиллар эса президентни ёки депутатларни сайлайдилар. Бу ҳолда сайловлар бевосита эмас, балки билвосита, тўғридан-тўғри эмас, балки поғона орқали амалга оширилади. Ўзбекистон Республикаси фуқаролари эса овозга қўйилган номзодга тўғридан-тўғри овоз бериш орқали ўз сайлов ҳуқуқларини амалга оширадилар. Бундай сайлаш усули мамлакатимизнинг таркибий тузилишига,  унинг бошқариш тизимига ҳам мос келади.               Шу модданинг ўзида айтиб ўтилганидек, сайлов ҳуқуқи фақат яширин овоз бериш орқали амалга оширилади. Бу дегани сайлов жараёнларида ижтимоий сўровларнинг маълумоти тарқатилмайди ва сайловчилардан улар кимга овоз берганликларини сўраш қатъиян ман этилади. Зеро, бундай аралашувлар овоз беришнинг яширинлиги принципи ва сайловчиларнинг ўз хоҳиш-иродаларини билдиришларига зиддир.                                                                                   Сайлов тизимининг конституциявий асослари қаторига сайлов муддатлари ҳақидаги нормалар ҳам киради. Унга биноан, Ўзбекистон Республикаси Президенти сайлови, Ўзбекистон Республикаси Олий Мажлисининг Қонунчилик палатасига ҳамда Қорақалпоғистон Республикаси Жўқорғи Кенгесига, вилоятлар, туманлар, шаҳарлар давлат ҳокимияти вакиллик органларига сайлов тегишинча уларнинг конституциявий ваколат муддати тугайдиган йилда – октябрь ойи учинчи ўн кунлигининг биринчи якшанбасида ўтказилади. Сайлов кунини маълум бир санага эмас, балки ҳафта кунига бириктириб қўйилиши бир томондан сайлов кунининг муҳимлигини 3 таъминласа, иккинчи томондан сайлов куни ҳафтанинг иш кунига тўғри келиб қолиши ва фуқароларнинг сайловдаги иштирокини сусайтиришининг олдини олади.  Ўзбекистон Республикаси Конституциясида сайланиш ҳуқуқи бўйича муддатларга оид талаблар Ўзбекистон Республикаси Президенти лавозими, ҳамда Ўзбекистон Республикаси Олий Мажлисининг Қонунчилик палатаси депутати, шунингдек Ўзбекистон Республикаси Олий Мажлисининг Сенати аъзолигига сайланаётган шахсларга нисбатан ҳам белгиланган. Унга кўра Ўзбекистон Республикаси Президенти лавозимига ўттиз беш ёшдан кичик бўлмаган, бевосита сайловгача камида 10 йил Ўзбекистон ҳудудида муқим яшаётган Ўзбекистон Республикаси фуқароси, сайланиши мумкин.                                                                                               Ўзбекистон Республикаси Олий Мажлисининг Қонунчилик палатаси депутати ёки Ўзбекистон Республикаси Олий Мажлисининг Сенати аъзолигига сайланаётганларга нисбатан эса сайлов куни йигирма беш ёшга тўлганлик ҳамда камида беш йил Ўзбекистон Республикаси ҳудудида муқим яшашлик талаб этилади. Бу талаблар ҳам ёш, ҳамда Ўзбекистон Республикаси ҳудудида муқим яшашнинг энг кам муддатларини белгилаб беради ва бу талабларни бажармаганлар сайловларда ўз номзодлари билан иштирок этишларига йўл қўйилмайди. Сайловларни ўтказиш сайлов эълон қилинган дақиқадан то овоз бериш натижаларини аниқлашга қадар бир нечта босқичларда амалга оширилади. Бу босқичлар сайлов жараёнларида ҳуқуқий ўзаро муносабатларнинг мураккаб тизимини ташкил этади, яъни унда сайловчилар, оммавий ахборот воситалари, сиёсий партиялар, жамоат ташкилотлари ва сайловларни ўтказиш билан боғлиқ давлат органлари иштирокининг таъминланишини белгилайди.                           Хулоса қилиб шуни айтиш жоизки, Ўзбекистон Республикасида сайлов ҳуқуқининг Конституция даражасида мустаҳкамлаб қўйилиши бу биринчи навбатда инсонлар хоҳишини амалга оширишнинг кафолатидир, қолаверса, ҳалқнинг эркинлиги – унинг ўз тақдирини ўзи белгилаши имконига эга эканлигининг гаровидир.

Фарғона вилоят маъмурий судининг архив мудири Ш.Насиров

Фарғона вилоят маъмурий судининг бош консультанти

Р. Шукуров, М Ахмедов

13Sen Янгиликлар

Конституция – инсон ҳуқуқ ва эркинликларининг Кафолати

Ҳар бир халқ, миллат ўз истиқлолига эришганидан сўнг жаҳонда янги мустақил давлат сифатида ташкил топганлиги, мақсади, келажак истиқболларини Конституцияда белгилаб қўяди.                                                                                                                                      Чунки дунёдаги мавжуд конституцияларнинг барчаси уларни ижод этган халқнинг, миллатнинг сиёсий тафаккури, маънавияти ва маданияти билан узвий боғлиқдир.                              Худди шу маънода Ўзбекистон Республикаси Конституцияси ҳам халқимиз табиатига мос барча маънавий-маданий қадриятларни, халқимиз донишмандлигини, ахлоқий фазилатларини ўзида мужассам этган.                                                                                       Асосий қонунимиз йиллар давомида халқимизнинг дилидан жой олди, инсон ва фуқароларнинг ҳуқуқ ва эркинликларини ҳамда мажбуриятларини ўзида мужассам этган дастурул амал сифатида намоён бўлди.                                                                                                    Йиллар ўтган сайин Конституциямизнинг мукаммаллиги, ҳаётийлиги, унинг келажакнинг ҳам талабларига жавоб бера олиши исботланмоқда. Бу эса истиқлолнинг илк йилларида Асосий қонунни яратиш йўлида амалга оширилган улкан ва машаққатли меҳнат самарасидир. Ўтган давр ичида нимага эришган бўлсак Конституция асосида амалга оширилди, унинг нормаларига амал қилган ҳолда эришдик.                                                                                    Конституциянинг 22-моддасида давлат ўз ҳудудида  ҳам, унинг  ташқарисида  ҳам  ўз фуқароларини ҳуқуқий  ҳимоя қилиши ва уларга ҳомийлик кўрсатиши, 23-моддасида республика ҳудудида чет эл фуқароларининг  ва  фуқаролиги  бўлмаган шахсларнинг  ҳуқуқ ва эркинликлари халқаро ҳуқуқ нормаларига мувофиқ ҳимояланиши кафолатлаб                      қўйилди.                                                                                                                       Конституцимизнинг 13-моддасида: “Ўзбекистон Республикасида демократия умуминсоний принципларга асосланади, уларга кўра инсон, унинг ҳаёти, эркинлиги, шаъни, қадр-қиммати ва бошқа дахлсиз ҳуқуқлари олий қадрият ҳисобланади. Демократик ҳуқуқ ва эркинликлар Конституция ва қонунлар билан ҳимоя қилинади” деб белгилаб қўйилган. Асосий қонуннинг 93-моддасига назар ташлайдиган бўлсак, “Ўзбекистон Республикасининг Президенти фуқароларнинг ҳуқуқ ва эркинликларига, Ўзбекистон Республикасининг Конституцияси ва қонунларига риоя этилишининг кафилидир” деб белгилаб қўйилганлигининг шоҳиди бўламиз.                                                                                                       Бу меъёр мамлакат раҳбарининг ҳар бир инсон ҳақ-ҳуқуқлари учун шахсан кафил эканлигини кўрсатиб турибди. Ўзбекистон Республикасининг Конституцияси ва мустақиллик йилларида қабул қилинган барча қонунларимиз, олиб борилаётган ислоҳотлар, аввало, инсон ҳуқуқ ва эркинликларини таъминлашга, ҳимоя қилишга йўналтирилган. Шу улуғ мақсад йўлида давлатимиз умумбашарий инсонпарварлик қоидаларига асосланиб, фуқароларимизнинг эркинликлари, ҳуқуқ ва қонуний манфаатларини тўлиқ таъминлаб келмоқда.                    Истиқлол йилларида Юртбошимизнинг ташаббуси ва бевосита раҳбарлигида миллий қонунчилигимизда нафақат инсон ҳуқуқ ва эркинликларини ҳимоя қилиш, балки инсонпарварлик тамойиллари ҳам кучайтирилди.                                                                          Мамлакатимиз мустақиллигининг дастлабки кунлариданоқ Инсон ҳуқуқлари умужаҳон декларацияси ратификация қилинди ва ундаги инсонпарвар мезонлар Ўзбекистон Республикаси Конституциясининг асосий меъёрларига айланди.                                                                               Ҳар бир инсоннинг ўз ҳақ-ҳуқуқларини билиб олиши учун етарли шароитлар ташкил қилинди. Шунинг учун ҳам давр ўтиши билан биз Конституциямизнинг аҳамияти ва моҳиятини, ҳаётимиздаги ўрни ва таъсирини, қадр-қимматини янада чуқурроқ англаб бормоқдамиз ва унга бўлган ҳурмат-эътиборимиз тобора ортмоқда.                                                                             Демократик жамиятнинг энг муҳим белгиларидан бири жамият аъзоларининг қонун олдидаги тенглиги, Конституция ва қонунлар устунлигининг таъминланганидир. Мамлакатимизда Конституциянинг устуворилигини таъминлаш, яъни қонун чиқарувчи ва ижро этувчи ҳокимиятлар томонидан чиқарилган норматив-ҳуқуқий ҳужжатларнинг конституциявийлигини назорат қилиш Ўзбекистон Республикасининг Конституциявий судига юклатилган.                                                                                                                              Конституцияга мувофиқ, давлат ҳокимиятининг қонун чиқарувчи ва ижро этувчи органларини тийиб туриш ва мувозанатда ушлаб туриш учун Ўзбекистон Республикаси Конституциявий суди ўзининг ваколатлари доирасида қуйидаги масалаларни кўриб чиқади: Ўзбекистон Республикаси қонунларининг ва Ўзбекистон Республикаси Олий Мажлиси палаталари қарорларининг, Ўзбекистон Республикаси Президенти фармонлари, қарорлари ва фармойишларининг, ҳукумат, маҳаллий давлат ҳокимияти органлари қарорларининг, Ўзбекистон Республикаси давлатлараро шартномавий ва бошқа мажбуриятларининг Ўзбекистон Республикасининг Конституциясига мувофиқлигини аниқлайди;                     Ўзбекистон Республикасининг Президенти томонидан имзолангунига қадар Ўзбекистон Республикаси конституциявий қонунларининг, Ўзбекистон Республикаси халқаро шартномаларини ратификация қилиш тўғрисидаги Ўзбекистон Республикаси қонунларининг Ўзбекистон Республикасининг Конституциясига мувофиқлигини аниқлайди;                              Қорақалпоғистон Республикаси Конституциясининг Ўзбекистон Республикасининг Конституциясига, Қорақалпоғистон Республикаси қонунларининг Ўзбекистон Республикасининг қонунларига мувофиқлиги тўғрисида хулоса беради;                                  Ўзбекистон Республикасининг Конституцияси ва қонунлари нормаларига  шарҳ беради;                                               Ўзбекистон Республикаси Олий судининг муайян ишда қўлланилиши лозим бўлган норматив-ҳуқуқий ҳужжатларнинг Ўзбекистон Республикасининг Конституциясига мувофиқлиги тўғрисида судлар ташаббуси билан киритилган мурожаатини кўриб чиқади; конституциявий судлов ишларини юритиш амалиётини умумлаштириш натижалари юзасидан ҳар йили Ўзбекистон Республикаси Олий Мажлиси палаталарига ва Ўзбекистон Республикаси Президентига мамлакатдаги конституциявий қонунийликнинг ҳолати тўғрисида ахборот тақдим этади.                                                                                                                                               Конституциявий суд муайян ишда қўлланилган қонуннинг Конституцияга мувофиқлигини фуқаролар ва юридик шахсларнинг конституциявий ҳуқуқлари ва эркинликларини бузилганлиги тўғрисидаги шикоятларни текшириш ҳақидаги ишларни ҳамда Ўзбекистон Республикасининг Конституцияси ва қонунлари билан берилган ваколати доирасида бошқа ишларни кўриб чиқади.                                                                                     2021 йилнинг 27 апрелида “Ўзбекистон Республикасининг Конституциявий суди тўғрисида”ги Конституциявий қонуннинг қабул қилинди. Унинг мақсади Конституциявий суд фаолиятининг самарадорлиги ва нуфузини оширишга, мустақиллигини мустаҳкамлашга, уни шакллантириш тартибини янада демократлаштиришга, фуқароларнинг ҳуқуқ ва эркинликларини ишончли ҳимоя қилиш кафолатларини кенгайтиришга қаратилди.                     Ўзбекистон Республикасининг Конституцияси ва “Ўзбекистон Республикаси Конституциявий суди тўғрисида”ги Конституциявий қонунда белгиланган ваколатларни аниқ ва оғишмай амалга ошириш учун Конституциявий суд ўз фаолияти давомида қуйидаги асосий принципларга амал қилади. Булар, Конституциянинг устунлиги, мустақиллик, коллегиаллик, ошкоралик, тарафларнинг тортишуви ва тенг ҳуқуқлилиги принципларидир.                 Ўзбекистон Республикаси Конституциясининг 83-моддасига мувофиқ, Конституциявий суд қонунчилик ташаббуси ҳуқуқига эга бўлиб, бу ҳуқуқ Конституциявий суд томонидан қонун лойиҳасини Ўзбекистон Республикаси Олий Мажлисининг Қонунчилик палатасига киритиш орқали амалга оширилади.                                                                                                                    Ўзбекистон Республикаси Конституциявий судига масалалар киритиш ҳуқуқига Ўзбекистон Республикаси Олий Мажлисининг палаталари, Ўзбекистон Республикаси Президенти, Ўзбекистон Республикаси Вазирлар Маҳкамаси, Ўзбекистон Республикаси Олий Мажлисининг Инсон ҳуқуқлари бўйича вакили (омбудсман), Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) ўринбосари – Бола ҳуқуқлари бўйича вакил, Инсон ҳуқуқлари бўйича Ўзбекистон Республикаси Миллий маркази, Қорақалпоғистон Республикаси Жўқорғи Кенгеси, Ўзбекистон Республикаси Олий Мажлиси Қонунчилик палатаси депутатлари умумий сонининг камида тўртдан   бир   қисмидан   иборат депутатлар гуруҳи, Ўзбекистон  Республикаси Олий Мажлиси Сенати аъзолари    умумий сонининг камида тўртдан бир қисмидан   иборат сенаторлар   гуруҳи, Ўзбекистон      Республикаси Олий суди, Ўзбекистон Республикаси Бош прокурори, Ўзбекистон Республикаси Ҳисоб палатасининг раиси, Ўзбекистон Республикаси Президенти ҳузуридаги   Тадбиркорлик субъектларининг ҳуқуқлари ва қонуний    манфаатларини     ҳимоя   қилиш    бўйича                   вакил эгадирлар.                                                                                                                            Шунингдек, агар қонун фуқаролар ва юридик шахсларнинг конституциявий ҳуқуқлари ва эркинликларини бузаётган ҳамда судда кўрилиши тугалланган муайян ишда қўлланилган бўлса, фуқаролар ва юридик шахслар қонуннинг Конституцияга мувофиқлигини текшириш тўғрисидаги шикоят билан Конституциявий судга мурожаат этишга ҳақлидир.                       Мухтасар қилиб айтганда Конституция – тараққиёт гарови. Демак, қонунларга қатъий амал қилсак, давлат ва жамият олдидаги бурчимизни адо этган, қолаверса мамлакатимизни гуллаб яшнашига ҳисса қўшган бўламиз.

Фарғона вилоят маъмурий судининг архив мудири Ш.Насиров

Фарғона вилоят маъмурий судининг бош консультанти

Р. Шукуров, М. Ахмедов